ఎండను ధారలుగా తాగ౦దే 

భూమి

ఆకాశానికి మబ్బుచీరలు నేయదు 
________________(16/10/2013)__________

కొండలన్నీ మన్నవుతాయి 

మనిషౌతాడ౦టే


నీలో మరుగుజ్జు 

_____________(20/9/2013)



నోటి కందే వరకే 

నిశ్శబ్దం 

సగం ఖాళీ గ్లాసులో 

_____________(20/9/2013)

తన మేను తాకిన గాలానికి దొరక్కుండా 

చేపల్ని చీర కుచ్చిల్ల కింద దాచి 

వడి వడిగా నవ్వుతూ నడిచింది నది 
________________________ (13/6/2013)__


ఎండిపోయిన చెట్టుపై ఏడుస్తూ 

గూళ్ళు 

పక్షులమీద బెంగ పెట్టుకున్నాయి 

________________________ (13/6/2013)__


ఆకాశపు సముద్రంలో

సూర్యుడు

వెలుతురు మోసుకెళ్లే పడవ


________________________ (13/6/2013)__

నవ్వుతూ తుళ్లుతూ , వానా వానా 

అంటూ పాడడమే కాదు

గొడుగులు కూడా ఏడుస్తాయి

________________________ (13/6/2013)__

కొత్త వెలుగు

కాలిపోయిన అగ్గిపుల్ల
 
నవ్విన దీపం 
_____________ (31/8/2013)__



కష్టమేం కాదు 

చదవడం నేర్చుకో

కరచాలనాల్ని
______________(28/8/2013)



కొత్త గుణింతం నేర్చుకుని

ప్రతి ఉదయం 

ఉదయిస్తాడు సూర్యుడు
____________________(22/8/2013)


ఆలోచనలు కాల్చేస్తాయి 

మనసుపై 

అంతా బాగుందనే దుప్పటి కప్పకపోతే 

____________________(26/9/2013)

వర్షంలో తడుస్తూ

పాత సైకిల్

నాన్న జ్ఞాపకమట

_____________(18/9/2013)


ఎగిరిపోయిన పక్షి

దాని పాట

వర్షంలో ఆకులు కదిలినప్పుడల్లా

______________(18/9/2013)



స్పష్టంగా వినగలం

నిశ్శబ్ధపు శబ్ధం

సమాధి గోడలమధ్యే

____________________(2/7/2013)



          
ఉదయాన్నే తెరిచిన కళ్లు

చీకటి గోళం మీద నుంచి 

మరో వెలుగు గ్రహం మీదకు దూకినట్టు

__________________ (3/7/2013)


ఖాలీగా ఉన్న నటనాస్థలి

ఆత్మ 

ఏ ఆలోచనలు రంగమెక్కుతాయో అది నువ్వు 


______________________(4/6/2013)


చెట్టు చెట్టు తిరుగుతూ 

ఉడత తన నేస్తం దొరకలేదని 

పళ్ళు ఏడుస్తూ రాలాయి
 
___________________( 2/12/2012)


కరెంటు తీగపై పక్షులు 

కావు కావు మనే అరుపులు 

లోకుల నోటి మాటలు
 ...
_______________________(30/11/2012)-